Tiramisú

Tiramisú

ELLABORACIÓN

Empecipiamos batiendo dos clases de nata con distintu porcentax de materia graso.
Iguamos una crema de quesu mascarpone y güevu, con un toquín d’amaretto y, de siguío, mecemos despacín la nata cola crema de mascarpone, creando la crema final del tiramisú.
Preparamos unes cuantes taces de café con un chorrín de licor d’almendra, d’amaretto y de vinu dulce marsala (procedente de Marsala, Sicilia).
Siguimos montando la estructura del tiramisú per capes, entamando per una capa fina de la crema qu’acabamos de facer. Darréu d’esti pasu, amestamos otra capa de bizcochinos («llingües de gatu»), empapaos en café con licor.
Siempre perriba, otra capa bona de crema de mascarpone y nata y otra de bizcochinos.
Pa rematar, añadimos una última capa de crema, finina; y pasamos a la decoración, con una manga pastelera, vamos faciendo ‘gotes’ per tola superficie, que vamos terminar cubriendo con una capa de cacáu en polvo.
¡Bon provechu!