Tarta de quesu al estilu Zascandil

Tarta de quesu al estilu Zascandil

ELLABORACIÓN

Si tenéis Thermomix podéis usala. Nesi casu mecemos tolos ingredientes y ponémosla a 90 ºC demientres 7 minutos y mediu.
Si nun queremos usar esa teunoloxía, vamos facelo de la forma tradicional. Mecemos tolos ingredientes con una túrmix o batidora, y cocemos nun cazu a fueu medio esi batulaxe ensin dexar de remover, pa evitar que pegue y que queme. Cuando empecipie a ferver quitámoslo del fueu. Echámoslo nún recipiente grande o en dellos recipientes individuales y dexámoslo enfriar na nevera media hora polo menos.
Llega la hora del remate, cola confitura. Nel Zascandil rematamos la tarta de quesu con una confitura de naranxa, pero como tamos en temporada de freses vamos contavos cómo iguar una pa rellambese. Pesamos les freses llimpies y echámos-yos la metá del so pesu n’azucre. Dexámoslo reposar 24 hores na nevera, y entós podemos machacar o picar gordino, según queramos la testura. Cocémoslo nun cazu a fueu suave col zumu de mediu llimón hasta consiguir la testura deseada.
Les recetes son pa tuniales, adautales, faceles nuestres. Asina que… usái la vuestra imaxinación y pensái que tamién se puede rematar con una mermelada de kiwi, una confitura de mazana, o podemos por exemplu facer una base de galleta triturao con mantega y azucre, amestar frutos bermeyos na mezcla…
A la fin, la cocina tien que ser prestosa y imaxinativa, y más nestos tiempos que nos toca vivir. Asina que munchu ánimu col correr de los díes, muncha fuerza, y sobre too, salú.