Tarta de Quesu DOP Afuega’l Pitu

Tarta de Quesu DOP Afuega’l Pitu

ELLABORACIÓN

Nun cuencu medianu batimos los güevos, amestamos la nata llíquido y la lleche. Mecemos hasta que la mezcla seya uniforme.
A esta mezcla qu’acabamos d’iguar, añadímos-y quesu Afuega’l Pitu Blanco DOP en cachinos pequeños pa que desfaiga más fácil. Batimos hasta qu’el quesu tea incorporao dafechu na mezcla.
Repetimos esti procesu, pero col quesu Afuega’l Pitu Colorao DOP.
En teniendo esta mezcla, amestámos-y la lleche condensao, l’azucre y un migayu de sal. Volvemos batir hasta qu’amesturen tolos ingredientes.
Precalentamos el fornu a 165ºC.
Mentanto calienta’l fornu, escoyemos el molde y untámoslu con mantega pa que nun pegue la mezcla al enfornar.
Echamos la mezcla nel molde y metémoslu al fornu 50 minutos. El tiempu va depender de la testura que queramos; podemos dexalo 5 o 10 minutinos más.
Vamos saber que la tarta ta fecha cuando los bordes tean tostaos.
En pasando’l tiempu, sacamos la tarta del fornu y dexámosla reposar a temperatura ambiente enantes de cortala y sirvila.
Al tiempu d’echar la mermelada podemos facelo cuando la tarta tea nel molde y mientres enfría; o direutamente nel platu.