Tallarinos con ragú de xata
MARCELO EMED
Restaurante Gepetto Centro
Tallarinos con ragú de xata
ELLABORACIÓN DE LOS TALLARINOS
Empecipiamos mezclando los ingredientes de la masa.
Amasamos hasta que quede una masa suave y llisa, dexámosla reposar 10 minutos.
Pasáu’l tiempu de reposu estirámosla con un rollu o rodiellu hasta que quede fina, enrollámosla y con un cuchiellu vamos cortándola como a mediu centímetru. Desenrollamos los cortes y espolvoriámoslos con un poco de fariña pa que nun peguen ente ellos.
ELLABORACIÓN DEL RAGÚ DE XATA
Ponemos nuna pota un chorru d’aceite, calentámoslo y vamos echando l’ayu, la cebolla, el pimientu, la cenahoria, el sal, la pimienta, la nuez moscao y l’albahaca. Saltiámoslo unos 4 minutos, dempués echamos la carne.
Cuando la carne tea dorada echamos el vinu tinto y cuando esti reduza, amestamos el tomate frito y dexámoslo que se vaya faciendo 30 o 40 minutos a fueu suave.
ELLABORACIÓN DEL PLATU
Ponemos a calentar la salsa de ragú.
De la que calienta ponemos a cocer los tallarinos n’agua ferviendo 4 o 5 minutos.
Cuando tean cocíos, escurrímoslos.
EMPLATÁU
Pal emplatáu hai 2 opciones:
Poner los tallarinos nun platu y la salsa perriba.
Mecer la salsa colos tallarinos nuna pota y sirvilo too xunto.
INGREDIENTES (MASA TALLARINOS)
– 500 gr de fariña
– 20 gr de sal
– 3 güevos
– 45 cll d’aceite
– 80 cll d’agua
INGREDIENTES (RAGÚ DE XATA)
– ½ seruga o diente d’ayu
– 100 gr de cebolla
– 30 gr de pimientu verde
– 30 gr de pimientu colorao
– 30 gr de cenahoria
– 250 gr de carne de xata pa guisar
– 800 gr de tomate frito
– ½ vasu de vinu tinto
– Sal, pimienta, nuez moscao y albahaca