Ravioli de panceta ibérica y centollu con arbeyos
LARA RODRÍGUEZ
Restaurante Kraken (Acuario de Gijón)
Ravioli de panceta ibérica y centollu con arbeyos
ELLABORACIÓN
Cocemos los arbeyos y reservamos. Pochamos la cebolla picao mui fino, añadimos la carne del centollu un poco saltiao y 100 gr d’arbeyos yá cocíos.
Saltiámoslo too con sal y pimienta. Reservamos. Mentanto, colocamos les tires de panceta lo más llargues y fines posible con forma de cruz sobre una superficie llisa y, nel mediu, ponemos una cuyaradina del saltiáu intentando garrar un poco de los 3 ingredientes. Zarramos les tires siguiendo l’orde de les aguyes del reló.
Frímoslo nun sartén con cuidáu y con bien d’aceite. Ponémoslo sobre un papel pa quitar l’escesu d’aceite.
Mientres frímos, saltiamos el restu de los arbeyos colos llangostinos pelaos, un pocu de sal y sriracha pa da-y picor. Calentamos la crema d’andarica pa emplatar.
EMPLATÁU
Ponemos una cama d’arbeyos a lo llargo y enriba ponemos 4 raviolis y chiscámoslos cola crema d’andarica. Decoramos con dalgún cachu de llagostín y unes llámines fines de rábanu.
INGREDIENTES (4 PERSONAS)
– Media cebolla
– Un centollu cocíu
– 300 gr d’arbeyos
– 32 tires mui fines de panceta ibérica
– 8 llagostinos pelaos
– 400 mll de crema d’andarica
– Sal, pimienta y sriracha*
*La sriracha ye una salsa picante procedente de Tailandia, yá mui espardida, que se fai con chile maduro, vinagre, ayu, azucre y sal.