Rau de vaca al estilu cordobés (homenaxe al restaurante Caballo Rojo de Córdoba)
ISAAC ALONSO
Restaurante Los Patios
Rau de vaca al estilu cordobés (homenaxe al restaurante Caballo Rojo de Córdoba)
ELLABORACIÓN
Empezamos salando abondo les pieces de rau y enfariñámosles.
Ponemos nuna pota grande al fueu dos deos d’AOVE y cuando tea bien caliente echamos el rau y cocinámoslo hasta que dore perdayuri y sacámoslo pa una bandexa.
Nel mesmu aceite sofrimos la verdura entamando poles serugues d’ayu hasta que tean bien doraes.
Añadimos la cebolla, los pimientos, cenahories y el puerru en cachinos y dexamos que se faigan unos 10 minutos. Darréu añadimos los tomates tamién en cachinos y los aromáticos y dexamos otros 5 minutos.
Pa rematar añadimos el vinu tinto y volvemos a meter el rau que teníamos reserváu. Cubrímoslo con agua, tapamos la pota y baxamos el fueu al mínimu.
Tien de cocer polo menos 4 hores, removiendo de cuando en vez pa que nun se nos pegue.
N’acabando la cocción pinchamos la carne con un tenedor pa comprobar que quedare blando y que práuticamente caiga solo del güesu. Sacamos con cuidáu les pieces de rau de la pota y namás queda desgrasar el caldu y turbinar toles verdures pa facer la salsa.
INGREDIENTES (PA 4 PERSONES)
– 2 Kg Rau de vacunu
– 2 cebolles
– 1/2 pimientu verde
– 1/2 pimientu coloráu
– 4 cenahories
– 5 serugues d’ayu
– 4 tomates
– 1 puerru
– 3 fueyes de lloréu
– 2 rames de tomiyu fresco
– 1 cuyarada de Ras el hanout
– 1 cuyarada de pimienta negro en granu
– 400 ml de vinu tinto
– Sal
– Fariña
– Aceite d’Oliva Virxe Estra (AOVE)