Pastel de morciella asturiana

Pastel de morciella asturiana

ELLABORACIÓN

Trociamos la morciella, ponémosla nun cuencu y facemos lo mesmo colos tomates.
Amestamos los güevos, el sal y la pimienta. Esfaraguyamos. Podemos dexar la morciella más o menos esfaraguyada a gustu de caún, depende de si nos presta alcontrar cachos d’ella o non, echar más o menos morciella tamién va al gustu. A más cantidá, sabor más fuerte.
En tando bien faraguyao, amestamos la nata llíquido y batímoslo too xunto.
La morciella meyor asturiana, tenemos unos alimentos del Paraísu qu’hai qu’aprovechar… somos privilexaos por ello. Echámoslo nun molde, meyor de silicona, pa que dempués sea más cenciello emplatar.
Y al fornu (que tará a 180 ºC). Enfornar al bañu María demientres 40 minutos.
Pa saber que ta nel puntu de cocción perfeutu, pinchamos con un paliyu y si sal llimpiu ye que ta pa sacar del fornu, sinón ye qu’hai que dexalo un poco más de tiempu… El tiempu puede variar en función del fornu, del molde, etc.
Receta mui fácil, amás de barata. Ingredientes cenciellos pero que non por ello dexen de ser maraviyosos, fáciles d’alcontrar nes nuestres tiendes locales. Nesti tiempu que nos toca vivir, que tamos en casa (nun hai otra), la cocina ye una bona forma de tar entreteníu y aliviar l’alma. Somos lo que comemos, con que podemos ser felices y tar sanos… nun lo escaezáis.
#YoQuedoEnCasa #XuntosSomosMasFuertes.
En tando frío, trociamos y emplatamos y acompañamos con un poco mayonesa (tamién casa mui bien con mermelada de tomate). Un poco de pan tostao pa untar y a disfrutar… bon provechu.