Manzana rellena de foie gras
JESÚS GONZÁLEZ
Restaurante V. Crespo
Manzana rellena de foie gras
ELLABORACIÓN
Lo primero, ponemos a morcar la vainilla nel aceite de xirasol, dempués preparamos l’almíbre pa escaldar les mazanes y pa ello pelámosles, cortámosles pela metá, quitámos-yos les pebides y dempués cortámosles en tayadines fines na corta-fiambres pa escaldales nel almíbre.
Pa la compota cortamos la mazana en daos pequeños y ponémoslos a cocer col azucre y un poco d’agua, cuando tea fecha machacámosla hasta que quede bien fina.
El foie llimpiámoslu de venes, salpimentámoslu y cocémoslu a 70 ºC demientres 10 minutos.
A lo último montamos les tayadines de mazana en moldes semiesféricos cubriéndolos coles propies llámines de mazana y rellenándolo col foie y un poco de compota perriba, zarramos el molde con más llámines de mazana y dexámoslo enfriar na nevera.
Cuando tea frío desmoldámoslo y requemámoslo con una pala o un soplete con un poco d’azucre per encima y saborguiámoslo col aceite de vainilla, con sal n’escames y con almendra llaminao y … ¡llisto pa comer!.
INGREDIENTES
– 3 mazanes Golden
– 500 gr de foie de patu
– 1 cañina de vainilla
– Aceite de xirasol
– 25 grs d’almendra llaminao tostao
– Pal almíbre pa escaldar les mazanes faen falta 300 gr d’azucre y ½ llitru d’agua
– Pa la compota de mazana facen falta 2 mazanes y 200 gr d’azucre