Chopa a la sidra
ULISES GARCÍA
Parrilla Antonio I (Barriu de la Sidra)
Chopa a la sidra
ELLABORACIÓN
Llimpiamos la chopa (pue ser chopa o otru pescáu), troceámosla y salámosla. Dámos-y una vuelta nel aceite nuna tartera namás pa que selle y dempués reservámosla.
Nesi aceite pochamos la cebolla picao mui finino, amás del ayu y un poco de sal, y amestamos el tomate picao fino y ensin piel, con perexil picao tamién fino. Cuando’l tomate tea tienro, ponemos los cachos de pescáu na salsa y afogámoslos con sidra natural dexándolo ferver too. Dempués, cubrimos con caldu de pescáu, echamos les amasueles bien llavaes y unes tayaes de mazana, saborgámoslo y dexámoslo cinco minutos más en fueu. Podemos presentalo na mesma tartera, espolvoriamos un poco de perexil recién picao y… Bon provechu.
¡¡Espero que vos preste!!!