Chipirones rellenos
CHARO BALLINA
Restaurante El Cruce
Chipirones rellenos
ELLABORACIÓN
Llimpiamos los chipirones y reservamos les aletes y les cabeces pal rellenu.
Picamos les cebolletes bien finines y dexamos facer hasta que tean blandes.
Darréu echamos el xamón, les aletes y les cabeces de chipirón partíes en cachinos y dexámoslo cocer too xunto unos 10 minutos.
Rellenamos los chipirones y zarrámoslos con un paliyu.
Pasámoslos pela fariña y frímoslos.
Vamos poniéndolos nuna pota y echamos el caldu de pexe y un refritu que tengamos fecho col pan rallao, el pimentón y el brandi. Esperamos que fierva y llueu baxámoslo a fueu sele, añadimos la tinta y dexamos unos 10 minutos y prebamos de sal.
Cuando enfríen, quitámos-yos el paliyu y tán llistos pa servir y comer.
INGREDIENTES (PA 4 PERSONES)
– 20 chipirones pa rellenar
– Cuatro cebolletes
– 300 gr de xamón
– Aceite
– Sal
– Dos sobres de tinta
– Una cuyarada de pimentón dulce
– Una cuyarada de pan rallao
– Fariña
– Una cuyarada de brandi
– 1 ll de caldu de pexe