Cebolles rellenes de xata asturiana
MARI CARMEN MENÉNDEZ ACEBAL
Sidrería Río Astur
Cebolles rellenes de xata asturiana
ELLABORACIÓN
Pochamos les verdures a fueu suave y cuando tean llistes amestamos vinu blanco y sal (vamos aprovechar pa esti procesu l’interior de les cebolles). Esta salsa esfaraguyámosla y reservámosla. De siguío vamos afogar la carne con un sofritu d’aceite d’oliva virxe estra, cebolla, pimientu colorao y verde, ayu y la xata asturiana desmenuzao o mechao.
Cuando la carne tea afogao vamos amestá-y un poco de vinu blanco y de coñá. Dempués, vamos rellenar les cebolles con esta mezcla y vamos meteles al fornu, a 160 ºC, aproximadamente 1 hora. L’emplatáu ye cenciellu… primero vamos poner la salsa del primer sofritu, posamos les cebolles encima, tapámosles cola salsa del guisu de xata y decoramos con un poco de cebollín per encima. ¡Qu’aproveche!
INGREDIENTES
– Cebolles
– Xata asturiana
– Cenahoria
– Pimientu colorao
– Pimientu verde
– Ayu
– Sal
– Vinu blanco
– Coñá