Caldereta de pexe
ABDELGHEMI MASSAOUDI
Restaurante sidrería Puente Romano
Caldereta de pexe
ELLABORACIÓN
Cortamos los llombos de merluza, pixín y llubina en 6 cachinos caún. Salamos media hora primero pa que garren el sal que precisen. Calentamos una pota, echamos l’aceite d’oliva y l’ayu picao dexándolo dorar un migayín. Añadimos entós la cebolla picao mui finino y dexámoslo facese un par de minutos.
Añadimos los pexes y el calamar llimpiu y trociáu, too enfariñao primero. Dexámoslo unos segundos y damos una vuelta para que la fariña garre bien el sofritu. Moyamos col vinu blanco, dexamos reducir bien, echamos la salsa de tomate y el caldu (el caldu nun tien de cubrir dafechu los pexes).
Incorporamos los muxones llimpios, les amasueles y los llagostinos pelaos pero conservando la cabeza y cola. Tapamos la pota y cocemos a fueu suavino de 8 a 10 minutos.
Miramos a ver cómo ta de sal, espolvoriamos con perexil picao y ¡Que vos preste!
INGREDIENTES (6 PERSONES)
– 1/2 kg llombu de merluza
– 1/2 kg llombu de pixín
– 1/2 kg llombu de llubina
– 250 gr llagostinos
– 1 ud. calamar grande
– 500 gr muxones frescos
– 200 gr amasueles
– 1/2 ud. cebolla
– 2 serugues d’ayu
– 2 rames perexil
– 1/2 vasu aceite d’oliva virxe estra
– 1/2 vasu vinu blanco
– 4 cuyaraes salsa de tomate
– 1 llitru caldu de pexe
– 50 gr fariña
– 1 plizcu sal gordo