Calamares frescos en tinta
FERNANDO VIÑUELA
Restaurante Mamaguaja
Calamares frescos en tinta
ELLABORACIÓN
Picamos l’ayu, la cebolla y el pimientu verde en brunoixe (taquinos) y echámoslo nuna pota nesi orde, con un chorru d’aceite d’oliva virxe estra.
Picamos los calamares en daos y echámos-yos sal.
Cuando la verdura tea pochao, amestamos los calamares a fueu fuerte, ensin dexar de remover. Dexámoslos dempués a fueu suave 15 minutos.
Trescurríu esi tiempu, añadimos el vinu blanco y dexámoslo reducir. Incorporamos la cuyarada de pastia de pimientu choriceru y les bolses de tinta (pueden sacase les tintes de los calamares). Y seguimos, ensin dexar de remover, a fueu suave 15 minutos más.
Correximos el sal si ye necesario. Cuando’l calamar tea blandiu, tará llistu pa sirvir. Perfeutu p’acompañalu d’un arroz blanco o unes patatines frites.
¡Mui bon provechu!
INGREDIENTES
– 2 kg de calamares frescos
– 2 serugues o dientes d’ayu
– 3 cebolles
– 3 pimientos verdes
– 1 copa vinu blanco
– 1 cuyarada grande de pastia de pimientu choriceru
– 2 bolses de tinta de calamar
– Sal
– Aceite d’oliva virxe estra