Día a día – Llunes 11 de mayu
Día a día
“Aventuras y desventuras nunca comienzan por poco.”
Miguel de Cervantes. El ingenioso hidalgo Don Quijote de la Mancha.
Vídeo de la alcaldesa
Empecipiamos l’aventura de la web con una cita d’El Quijote y queremos despidinos con otra porque les aventures -y les desventures- enxamás entamen por poco. Naguamos porque les nuestres vides y la del nuestru conceyu tean enllenes d’aventures d’aquí p’arriba (y mui poques desventures y pequeñes). XixónQuedaEnCasa llegó al so fin pa dar pasu a una ventana abierta al optimismu, a la ilusión y al ociu fuera de les nuestres cases. Quiximos ser un respiru dientro d’una situación escomanada y nunca vivida pero, agora, tenemos que deprender a volver a respirar fuera con seguridá y responsabilidá.
Fuimos un puntu d’alcuentru, d’espardimientu, de formación, de divulgación, reflexu de la llibertá y de la pluralidá qu’abandera una ciudadanía como ye la xixonesa. Cuidamos que se llogró l’oxetivu que nos propunximos cuando asoleyamos esta web y queremos agradecevos les vuestres aportaciones a toles persones que collaborastis en qu’esta propuesta fuera «nuestra», «de Xixón», de los sos vecinos y vecines y de toles persones que s’averaron a ella dende cualesquier sitiu del mundu. Esta pandemia va cambiar coses pero non (el fechu de) que seyamos una ciudá abierta y alcontradiza.
Esta web sigue activa, pero namás pa consultala. Dexó d’actualizase’l llunes 11 de mayu. Sigui l’actualidá en www.gijon.es.